You are here: Home » Telangana » News » రాజయ్య రాజీనామా

రాజయ్య రాజీనామా

Warangal City | September 24, 2011 | 0 Comments

వరంగల్: వరంగల్ జిల్లా స్టేషన్ ఘనపూర్ కాంగ్రెసు శాసనసభ్యుడు రాజయ్య మళ్లీ రాజీనామా చేశారు. తెలంగాణ కోసం ఆయన రాజీనామా చేయడం ఇది మూడోసారి. తన రాజీనామాను ఆమోదించకపోతే శాసనసభ వద్ద ఆమరణ నిరాహారదీక్ష చేస్తానని ఆయన శనివారం మీడియా ప్రతినిధులతో చెప్పారు. తాను స్పీకర్ ఫార్మాట్‌లోనే రాజీనామా చేశానని, దాన్ని ఆమోదించాల్సిందేనని ఆయన అన్నారు. తెలంగాణ ప్రజలంతా సమ్మె చేస్తున్న ప్రస్తుత పరిస్థితిలో తాను పదవిలో కొనసాగడం భావ్యం కాదని రాజీనామా చేసినట్లు ఆయన తెలిపారు.

ప్రజాప్రతినిధులు రాజీనామాలు చేస్తే తెలంగాణ వస్తుందని ప్రజలు నమ్ముతున్నారని, అందుకే తాను రాజీనామా చేశానని ఆయన అన్నారు. తాను ప్రభుత్వ కార్యక్రమాలకు దూరంగా ఉంటానని, శాసనసభకు కూడా వెళ్లబోనని ఆయన చెప్పారు. తెలంగాణ ప్రకటన కోసం తాము ఈ నెలాఖరు వరకు నిరీక్షిస్తామని, ఆ తర్వాత బహిరంగ ప్రదేశంలోనే ప్రజల ముందు ఆమరణ దీక్షలకు దిగుతామని ఆయన చెప్పారు. కార్మికులు సమ్మెలో పాల్గొంటూ వేతనాలు కూడా తీసుకోవడం లేదని, తాను కూడా రాజీనామా చేసి విధులకు హాజరు కాకపోవడం మంచిదని అనుకున్నానని ఆయన అన్నారు