దిగొచ్చిన శ్రీనివాస్

హైదరాబాద్: ఎట్టకేలకు తెలంగాణ యువకుడు శ్రీనివాస్ దిగొచ్చాడు. దాంతో పది గంటల ఉత్కంఠకు తెర పడింది. రాజీనామాలు చేసి తెలంగాణ ప్రాంత ప్రజాప్రతినిధులు తన వద్దకు రావాలని, లేకుంటే కిందికి దూకుతానంటూ హైదరాబాదులోని కోఠీలో గల ఓ హోర్డింగ్‌పైకి ఎక్కి శ్రీనివాస్ అనే యువకుడు బెదిరిస్తూ వచ్చాడు. చేతిలో పెట్రోల్ ఉన్న డబ్బాను కూడా పట్టుకున్నాడు. అతన్ని కిందికి దింపడానికి ఎన్ని ప్రయత్నాలు చేసినా ఫలించలేదు. గురువారం మధ్యాహ్నం ఒంటి గంటకు హోర్డింగుపైకి ఎక్కిన శ్రీనివాస్ రాత్రి ఎనిమిది గంటల ప్రాంతంలో కిందికి దిగి వచ్చాడు. వెంటనే అతన్ని పోలీసులు అదుపులోకి తీసుకున్నారు. గద్దర్ మధ్యవర్తిత్వం వహించడంతో, తల్లి బతిమాలడంతో శ్రీనివాస్ కిందికి దిగి వచ్చాడు. దీంతో అందరూ ఊపిరి పీల్చుకున్నారు. ఆ హోర్డింగ్ వంద అడుగుల ఎత్తు ఉంది.