You are here: Home » News » City News » జగన్, విజయమ్మ రాజీనామా ఏది ? -శంకర్ రావు

జగన్, విజయమ్మ రాజీనామా ఏది ? -శంకర్ రావు

admin | August 22, 2011 | 0 Comments

దివంగత ముఖ్యమంత్రి వైయస్ రాజశేఖర రెడ్డి పేరు ఎఫ్ఐఆర్‌లో పేర్కొన్నందుకు వైయస్సార్సీ పార్టీ అధినేత కడప పార్లమెంటు సభ్యుడు వైయస్ జగన్మోహన్ రెడ్డి పులివెందుల శాసనసభ్యురాలు వైయస్ విజయమ్మ రాజీనామా ఎందుకు చేయలేదని చేనేత జౌళీ శాఖ మంత్రి శంకర్ రావు ప్రశ్నించారు. జగన్ విజయమ్మ రాజీనామా చేయకపోవడాన్ని చూస్తే వారివి రాజకీయ డ్రామాలు అని అర్థం అవుతుందన్నారు. ఇప్పుడున్న పరిస్థితుల్లో ఎన్నికలు జరగవని తెలిసే జగన్ వర్గం నేతలు రాజీనామాలకు సిద్ధపడ్డారన్నారు. రాజీనామాల వల్ల కాంగ్రెసు పార్టీకి వచ్చే నష్టమేమీ లేదని మంత్రి పార్థసారథి వేరుగా అన్నారు. జగన్ వర్గం నేతల రాజీనామాలు తప్పని అన్నారు. తాను వైయస్సార్‌కు సన్నిహితుడినేనని చెప్పారు. రాజకీయ లబ్ధి కోసమే జగన్ వర్గం నేతలు రాజీనామాలుచేస్తున్నారని మరో మంత్రి మాణిక్య వరప్రసాద్ గుంటూరు జిల్లాలో అన్నారు. ప్రభుత్వానికి ఎలాంటి ఢోకా లేదని అన్నారు. సిబిఐ రికార్డుల్లో వైయస్ పేరు ఎక్కడా లేదని ఆయన చెప్పారు

Category: City News