You are here: Home » Telangana » News » తాడోపేడో తేల్చుకుంటాం : టీకాంగ్రెస్‌ నేతలు

తాడోపేడో తేల్చుకుంటాం : టీకాంగ్రెస్‌ నేతలు

Warangal City | September 22, 2011 | 0 Comments

తాడోపేడో తేల్చుకుంటాం : టీకాంగ్రెస్‌ నేతలు

హైదరాబాద్‌ : తెలంగాణ రాష్ట్ర ఏర్పాటుపై అధిష్ఠానంతో తాడోపేడో తేల్చుకుంటామని తెలంగాణ కాంగ్రెస్‌ స్టీరింగ్‌ కమిటీ నేతలు స్పష్టం చేశారు. కాంగ్రెస్‌ ఎంపీ కేశవరావు ఇంట్లో గురువారం తెలంగాణ కాంగ్రెస్‌ స్టీరింగ్‌ కమిటీ సమావేశమైంది. అనంతరం స్టీరింగ్‌ కమిటీ నేతలు మీడియాతో మాట్లాడారు. అధిష్ఠానంపై ఒత్తిడి తెచ్చేందుకు ఈ నెల 26న తెలంగాణ ప్రజాప్రతినిధులందరూ ఢిల్లీకి వెళ్లనున్నట్టు చెప్పారు. ఇదే తమ ఢిల్లీ చివరి పర్యటన అని వారు తెలిపారు. తెలంగాణపై సానుకూల ప్రకటన రాకుంటే పరిణామాలు తీవ్రంగా ఉంటాయని నేతలు హెచ్చరించారు. తెలంగాణ మంత్రులకు మాటమాత్రం చెప్పకుండా సీఎం రూపాయికే కిలో బియ్యం పథకం ఎలా ప్రకటిస్తారని వారు మండిపడ్డారు. ఉద్యమాన్ని అణిచివేసే ధోరణితో వ్యవహరించవద్దని ఈ రోజు సీఎంను తెలంగాణ నేతలు కలువనున్నారు. కాంగ్రెస్‌ వారిపై కేసీఆర్‌ చేసిన వ్యాఖ్యలను వారు ఖండించారు.