సకల జనుల సమ్మెకు మద్దతుగా సోమ, మంగళవారాల్లో తెలంగాణలోని వృత్తి విద్యా కాలేజీలు బంద్ పాటించనున్నాయి. తెలంగాణ వ్యాప్తంగా ఉన్న ఇంజినీరింగ్, బీఫార్మసీ, ఎంబీఏ, ఎంసీఏ, బీఈడీ కాలేజీలు రెండు రోజులపాటు బంద్ పాటించనున్నట్లు ‘కన్సార్షియం ఆఫ్ ఇంజినీరింగ్, ప్రొఫెషనల్ కాలేజెస్ మేనేజ్‌మెంట్ అసోసియేషన్’ తెలంగాణ చైర్మన్ డాక్టర్ కె.సునీల్‌కుమార్ ఆదివారం తెలిపారు. ఈ సమ్మెకు సీమాంధ్ర యాజమాన్యంలో ఉన్న కాలేజీలు కూడా తమ మద్దతు ప్రకటించి స్వచ్చందంగా బంద్‌లో పాల్గొంటున్నట్లు ఆయన చెప్పారు. మంగళవారం వృత్తి విద్యా కాలేజీల యాజమాన్యాలు మరోసారి సమావేశమై నిరవధికంగా బంద్ పాటించే అంశంపై చర్చించనున్నట్లు సంఘం ప్రధాన కార్యదర్శి ప్రదీప్, బీఈడీ కాలేజీల సంఘం అధ్యక్షులు ప్రభాకర్‌డ్డి, ఫార్మసీ కాలేజీల ప్రధాన కార్యదర్శి రాందాస్ తెలిపారు.