-తెలంగాణ పునర్నిర్మాణానికి అంకితమవుతాం.. గన్‌పార్క్‌లో టీజేఎఫ్ ప్రతిజ్ఞ

తెలంగాణ రాష్ట్ర ఏర్పాటు సబ్బండ వర్ణాల ప్రజల పోరాటాల విజయం. తెలంగాణ కోసం ప్రాణత్యాగం చేసిన అమరుల్ని గుండెల్లో దాచుకుని, వారి ఆశయాల కోసం పాటుపడతామని తెలంగాణ జర్నలిస్టుల ఫోరం (టీజేఎఫ్) ప్రతిజ్ఞ చేసింది. బుధవారం ఉదయం గన్‌పార్క్‌కు చేరుకున్న తెలంగాణ జర్నలిస్టు ఫోరం నేతలు అమరవీరుల స్తూపం వద్ద నివాళులర్పించారు. తెలంగాణ రాష్ట్రం 1969 ఉద్యమం, 2009 నుంచి కొనసాగుతున్న మలిదశ ఉద్యమంలోఅసువులు బాసిన అమరుల త్యాగ ఫలమని కొనియాడుతూ, వారికి నివాళులర్పించారు. ‘జోహారులు.. జోహారులు.. అమరులకు జోహార్.. వీరులకు జోహార్, వీరులారా వందనం.. విద్యార్థి అమరులారా వందనం పాదాలకు’ అంటూ ఉద్యమగీతాలను ఆలపించారు. ఈ సందర్భంగా టీజేఎఫ్ నేతలు ప్రసంగిస్తూ వివిధ పత్రికలు, టీవీల్లో పనిచేస్తున్న తెలంగాణ జర్నలిస్టులు ఈ త్యాగఫలాన్ని కాపాడుకుంటూ.. తెలంగాణ పునర్నిర్మాణం కోసం పనిచేయాలని కోరారు. ఇరుప్రాంతాల ప్రజలను రెచ్చగొట్టకుండా మీడియా సంయమనం పాటించాలని, విభజనను ఇరు ప్రాంతాల వికాసానికి దారితీసేలా అందరూ చర్చించాలని టీజేఎఫ్ ఈ సందర్భంగా కోరింది.తెలంగాణ కోసం జరుగుతున్న పోరాటంలో సబ్బండ వర్ణాల ప్రజలతో కలిసి భుజం భుజం కలిపి నడిచిన కలాలన్నీ ఇక ముందు కూడా తెలంగాణ పునర్నిర్మాణం కోసం పునరంకితమవుతాయని టీజేఎఫ్ అధ్యక్షుడు అల్లం నారాయణ ప్రకటించారు.

పాత్రికేయుల ప్రతిజ్ఞ: అమరవీరుల స్మారక స్తూపం వద్ద టీజేఎఫ్ సభ్యులు ప్రతిజ్ఞ చేశారు. ‘తెలంగాణ నేల తల్లి బిడ్డలమైన మనం తెలంగాణ కోసం నిలబడి కలబడి గెలిచాం. అంతర్గత వలస ఆధిపత్యం నుంచి, సీమాంధ్ర పాలన నుంచి స్వీయ అస్తిత్వ పోరాటంతో తెలంగాణ ప్రకటన రెండోసారి సాధించుకోవడంలో జర్నలిస్టులుగా మన వంతు పాత్ర పోషించాం. పోరాటంలో అన్ని శక్తులతో కదంకదం కదిపి కలం పదును చాటాం. ఇది తెలంగాణ ఉద్యమంలో 1969లో తుపాకీ గుండ్లకు, ఆంధ్ర పాలకుల దౌష్ట్యానికి బలైన 369 మంది వీరులు, మలి ఉద్యమంలో 1100 మంది వీరుల బలిదానాల ఫలితం. జయశంకర్ సార్ స్ఫూర్తి, ఈ నేలమీద విద్యార్థులు, బుద్ధిజీవులు, ఉద్యమకారులు, ఉద్యోగులు, న్యాయవాదులు, ప్రొఫెసర్లు, టీచర్లు, కార్మికులు, సబ్బండ వర్ణాలు చేసిన అసమాన పోరాటాలు, త్యాగాల ఫలితంగా ఈ కల సాకారమైంది. మన పాత్ర ముగియలేదు. భవిష్యత్ తెలంగాణ కోసం, పార్లమెంట్‌లో బిల్లు ఆమోదం పొందేవరకు పోరాటం కొనసాగిద్దాం. అమరవీరులను గుండెల్లో దాచుకుందాం. బంగారు తెలంగాణ నిర్మించుకుందాం. జై తెలంగాణ. జైజై తెలంగాణ’ అని నినదించారు. కార్యక్షికమంలో ఆంధ్రజ్యోతి ఎడిటర్ కే శ్రీనివాస్, సుధ, బందగీ, హెచ్‌వైటీవీ సీఈవో శైలేష్‌డ్డి, టీజేఎఫ్ ఉపాధ్యక్షుడు పల్లె రవికుమార్, ప్రధాన కార్యదర్శి క్రాంతి, రమణ, దక్కన్ క్రానికల్ పొలిటికల్ ఎడిటర్ గౌరీశంకర్, పీవీ శ్రీనివాస్, వాసు, కోటిడ్డి, వేణుగోపాలస్వామి, చైతన్య, లక్ష్మీనారాయణ తదితరులు పాల్గొన్నారు.

source: http://www.namasthetelangaana.com/News/article.aspx?Category=1&subCategory=2&ContentId=265002

కేయూ విద్యార్థులు అమరవీరుల స్తూపం వర కు ర్యాలీ నిర్వహించారు. కరీమాబాద్‌లో టీఆర్‌ఎస్ శ్రేణులు స్వీట్లు పంపిణీ చేశారు. కార్పొరేషన్‌లో ఉద్యోగులు స్వీట్లు పంచారు. కమర్షియల్ ట్యాక్స్ ఉద్యోగులు కార్యాలయంలో కేక్‌కట్ చేసి వేడుకలు జరుపుకున్నారు. ఎన్‌పీడీసీఎల్, జడ్పీ ఉద్యోగులు వారి వారి కార్యాలయాల్లో స్వీట్లు పంచి తెలంగాణ నినాదాలతో హోరెత్తించారు. మచిలీబజార్‌లో టీఆర్‌ఎస్ మైనార్టీ నాయకులు స్వీట్లు పంచారు. ఏనుమాముల వ్య వసాయ మార్కెట్‌లో చాంబర్ ఆఫ్ కామర్స్ విభాగాల బాధ్యులు, మార్కెట్ ఉద్యోగులు, హమాలీలు, గుమస్తాలు, దడువాయిలు, ఎడ్ల బండ్లకార్మికులు భారీర్యాలీ నిర్వహించారు. మహబూ బాబాద్‌లో తెలంగాణవాదులు భారీ ర్యాలీ నిర్వహించారు. మరిపెడలో టీఆర్‌ఎస్, బీజేపీ, జాక్ నాయకులు ర్యాలీ చేపట్టారు.

తెలంగాణ వచ్చే వరకు చెప్పు లేసుకోనని, గడ్డం గీసుకోనని దీక్ష బూనిన యాకయ్య, కిషన్ యూపీఏ ప్రకటనతో విముక్తి పొందారు. వారికి స్థానిక జాక్ నాయకులు సన్మానం చేశారు. కేసమువూదంలో కాంగ్రెస్ శ్రేణులు బైక్ ర్యాలీ నిర్వహించారు. ములుగు డివిజన్‌లోని ఏటూరునాగారం, గణపురం, మంగపేట, వెంకటాపురంలో తెలంగాణవాదులు సంబరాలు చేసుకున్నారు. టీఆర్‌ఎస్‌నేతలు సమ్మక్క సారలమ్మను దర్శించుకుని మొక్కులు చెల్లించుకున్నారు. నర్సంపేట డివిజన్‌లోని గూడూరు, కొత్తగూడ, నల్లబెల్లి, నెక్కొండ, చెన్నరావుపేటలో తెలంగాణ సంబరాలు మిన్నంటాయి. పరకాల సబ్ డివిజన్‌లోని భూపాలపల్లి, చిట్యాల, శాయంపేట, మొగుళ్లపల్లిలో తెలంగాణవాదులు సంబరాలు చేసుకున్నారు. తొర్రూరులో ఎన్‌ఎస్‌యూఐ ఆధ్వ ర్యంలో కార్యకర్తలు స్వీట్లు పంపిణీ చేసి బైక్ ర్యాలీ నిర్వహించారు.

source: http://www.namasthetelangaana.com/Districts/Wgl/zoneNews.aspx?Category=25&subCategory=12&ContentId=264976

- గ్రూప్-2, గ్రూప్-4 జిల్లా పోస్టుల్లో చొరబడే అవకాశం
- టీ పబ్లిక్ సర్వీస్ కమిషన్ ఏర్పడ్డాకే ఉద్యోగాలు భర్తీ చేయాలి
- డీఎస్సీ 2013 నోటిఫికేషన్ కూడా తెలంగాణ ఏర్పడ్డాకే
- తెలంగాణ వచ్చాకే నియామకాలు చేపట్టాలి
తెలంగాణ రాష్ట్రం ఏర్పాటు జరిగిన తరువాతే తెలంగాణలోని ప్రభుత్వ ఉద్యోగాలను భర్తీ చేయాలని ఈ ప్రాంత నిరుద్యోగులు డిమాండ్ చేస్తున్నారు. కేంద్రం నాలుగు నెలల్లో తెలంగాణ రాష్ట్రం ఏర్పాటు చేస్తున్నట్లు ప్రకటించింది. ఇప్పటికే రాష్ట్ర ప్రభుత్వం ఏపీపీఎస్సీ ద్వారా 12, 377 పోస్టులను భర్తీ చేయాలని నిర్ణయించింది. వారంరోజుల్లో వివిధ ప్రభుత్వ శాఖల్లోని వివిధ కేటగిరీల పోస్టులు భర్తీకి నోటిఫికేషన్ వెల్లడించేందుకు సిద్ధమైంది. ఉమ్మడి రాష్ట్రంలో స్టేట్‌వైడ్ మెరిట్ ద్వారా భర్తీ చేసే పోస్టులు, మిగితా గ్రూప్-1, 2, 4 కేటగిరీ పోస్టుల్లో నాల్ లోకల్ కోటా ద్వారా, ఇతర అక్రమ పద్ధతుల్లో ఉమ్మడి రాష్ట్రం ఏర్పాటు నాటినుంచి సుమారు లక్ష తెలంగాణ ఉద్యోగాల్లో సీమాంవూధులు అక్రమంగా దోచుకున్నారని తెలంగాణ నిరుద్యోగులు ఆరోపిస్తున్నారు. వీటికి తోడు సచివాలయంతోపాటు ఇతర శాఖల్లో డిప్యు పేరుతో హైదరాబాద్‌లో తిష్ట వేయటం కారణంగా ఈ డిప్యూ స్థానాలను సీమాంధ్ర ప్రభుత్వం ఖాళీలుగా చూపటం లేదు. దీనితో తెలంగాణ ప్రాంత నిరుద్యోగులకు అన్యాయం జరిగింది.

ప్రత్యేక తెలంగాణ రాష్ట్రం ఇంకా కొద్ది దూరంలో ఉన్న ఈ సమయంలో సీమాంధ్ర ప్రభుత్వం ఉద్యోగాల భర్తీ చేపట్టనుంది. ఈ భర్తీ ప్రక్రియ ద్వారా తెలంగాణలోని ఖాళీల భర్తీ ప్రక్రియలో సీమాంధ్ర ప్రభుత్వం అక్రమాలకు పాల్పడే అవకాశం ఉన్నట్లు నిరుద్యోగులు అనుమానిస్తున్నారు. రాష్ట్రం విడిపోతున్న దశలో మరింత మంది సీమాంవూధులను తెలంగాణలో నియామకం చేయటం ద్వారా తెలంగాణ నిరుద్యోగులకు ద్రోహం చేయడానికి సీమాంధ్ర ప్రభుత్వం కుట్ర చేస్తోందని తెలంగాణ నిరుద్యోగులు అనుమానిస్తున్నారు. గత పదేళ్లలో ప్రభుత్వ శాఖల్లోని ఖాళీల్లో కొన్ని పోస్టులు మాత్రమే భర్తీ చేసింది. మరో ఎనిమిది నెలల్లో ఎన్నికలు వస్తున్న నేపథ్యంలో రాష్ట్ర ప్రభుత్వం ప్రభుత్వ ఉద్యోగాల భర్తీకి సిద్ధమైంది.

ఏ రాష్ట్రంలో లేని విధంగా మన రాష్ట్రంలో ఉద్యోగాల భర్తీకి ఏడు జోన్ల విధానం అమలులో ఉంది. కొన్ని ప్రభుత్వ శాఖల్లోని ఉద్యోగాలకు అర్హులైన అభ్యర్థులు దొరకరనే ఉద్దేశంతో రాష్ట్రాన్ని రెండు మల్టీ జోన్లుగా విభజించారు. ఇందులోఉత్తర కోస్తాలోని కొన్ని జిల్లాలు, తెలంగాణ జిల్లాలు ఒక మల్టీ జోన్‌గా, కోస్తాంవూధలోని మిగితా జిల్లాలు, రాయలసీమ జిల్లాలను కలిపి రెండవ మల్టీ జోన్‌గా విభజించారు. ఇందులో సీమాంవూధులనే ఎక్కువ సంఖ్యలో ఎంపిక చేసే అవకాశం ఉంది. జోనల్ పోస్టులుగా ఉన్న గ్రూప్-2లో గెజిటెడ్, నాన్ గెజిటెడ్ పోస్టులున్నాయి. నాన్ గెజిటెడ్ పోస్టుల్లో 30శాతం స్థానికేతరులతో, 70శాతం పోస్టులను స్థానికులతో భర్తీ చేయాలి. గెజిటెడ్ పోస్టుల భర్తీలో 60శాతం స్థానికులతో, 40శాతం స్థానికేతరులతో భర్తీ చేస్తారు.

40శాతంలో సీమాంవూధులను ఎక్కువ సంఖ్యలో ఎంపిక చేస్తే తెలంగాణ వారికి అన్యాయం జరుగుతుంది. ఇక గ్రూప్-4 పోస్టుల్లో 80శాతం స్థానికులతో, 20శాతం స్థానికేతరులతో భర్తీ చేయాలి. నాన్‌లోకల్ పోస్టుల్లో తెలంగాణ జిల్లాల్లో రాష్ట్రంలోని ఏ జిల్లా వారితోనైనా ఓపెన్ మెరిట్ ద్వారా భర్తీ చేయవచ్చు. కానీ సీమాంధ్ర అభ్యర్థులు ఓపెన్ మెరిట్‌లో వచ్చేందుకు అక్రమాలకు పాల్పడే అవకాశం ఉంది. డీఎస్సీ 2013 నోటిఫికేషన్ కూడా తెలంగాణ రాష్ట్రం ఏర్పాటయ్యాక మాత్రమే ఉపాధ్యాయ పోస్టులు భర్తీ చేయాలని తెలంగాణ డీఎస్సీ అభ్యర్థులు డిమాండ్ చేస్తున్నారు. రెండురోజుల్లో డీఎస్సీ 2013 నోటిఫికేషన్ ద్వారా 21508 పోస్టులతో ప్రకటన జారీ చేసేందుకు రంగం సిద్ధమైంది. ఈ డీఎస్సీ ద్వారా కూడా స్థానికేతరులు తెలంగాణ జిల్లాల్లో నియామకమయ్యే అవకాశం ఉంది. ఇప్పటి వరకు వివిధ డీఎస్సీల ద్వారా హైదరాబాద్, రంగాడ్డి, నల్గొండ, మెదక్‌తో పాటు ఇతర తెలంగాణ జిల్లాల్లో ప్రవేశించి తెలంగాణ నిరుద్యోగులకు అన్యాయం చేశారు. ఉపాధ్యాయ పోస్టులు జిల్లా పోస్టులు. 80 శాతం స్థానికులు, 20 శాతం స్థానికేతరులతో భర్తీ చేయాలి. 20 శాతం నాన్‌లోకల్ కోటా పూర్తి స్థాయిలో సీమాంవూధులతో భర్తీ చేశారు.

source: http://www.namasthetelangaana.com/News/article.aspx?Category=1&subCategory=3&ContentId=264988